brezhoneg

Hor raktresoù

· EMVOD KALON PLOUHA :

distro skol

Raktresoù liesseurt ha niverus hon eus evit ar bloaz-mañ ha goude, ha lod zo bet kadarnaet dija :

· Deuet e oa e Plouha strollad c'hoariva brudet Goulc’han Kervella ; STROLLAD AR VRO BAGAN, da-geñver Pask 2014, e sal an Erminig, evit c’hoari o fezh brudet : ar Basion vras ; berzh-bras o doa graet !

E 2015 e vo c’hoariva adarre, gant ur pezh skrivet gant Yann-Fulub Dupuy : "Re an tu all," ha moarvat unan all, aesoc’h da gompren, evit ar vugale a zo e skol divyezhek Plouha :

Alanig Al Louarn, evit ar re yaouank (adalek 6 vloaz) hag an dud deuet, gant ar Strollad Mat ar Jeu, d’ar Sul 11 a viz Here e Sal an Erminig, goude merenn. M’ho pez c’hoant d’ouzout hiroc’h, kit ’ta d’ober un droiadig war al lec’hienn-mañ : http://www.teatr-brezhonek.org/les-troupes/mad-ar-jeu/?lang=br

· Un abadenn a vo en hañv e Chapel Kervaria, diwar-benn Lez Breizh. Marteze e teuio Iffig Troadeg, met se zo da vezañ kadarnaet...

· Plijet e vefemp o pediñ Louis-Jacques Suignard, ur Sadorn bennak e 2014-2015, marteze : a-benn kinnig un abadenn kanañ... ur seurt kentel kan ma fell deoc’h, met digoroc’h ! Hag evel-just, e c’hellfe an abadenn-se echuiñ gant ur sonadeg, diouzh an noz, a-berzh ar c’haner dispar m’eo Louis-Jacques.